|
Takk fyrir skemmtilegt partý á laugardaginn! Þið sem fenguð ekki sms, þá eruð þið bara ekki inni í símanum mínum. Ég gerði þrjár tilraunir til að senda sms, einu sinni af netinu og tvisvar úr símanum mínum. Í fyrra skiptið var ég rétt byrjuð að senda á öll númerin í einu þegar síminn hringdi og það hætti að sendast, þá sendi ég bara á átta númer í einu. En það var allavega gaman, takk fyrir komuna og skemmtunina :)
Ég tel mig ekki vera "materíalska" manneskju. Jújú, mér finnst gaman að fá gjafir eins og flestum og það er alltaf gaman að taka myndir á góða myndavél eða eiga tölvu sem maður kemst á netið á. En ég held að það sé ekki svo eftirsótt að vera ríkur. Þá held ég að maður hætti að kunna að meta einmitt þetta, að eignast góðan hlut og kunna að meta hann. Þeir sem eiga minna og græða minna þurfa minna að passa upp á og hafa áhyggjur af og það þarf minna til að gleðja þá. Ef ég verð rík einhvern tíman, þá vil ég ekki nota peningana í rándýran bíl eða risastórt hús, heldur bara það sem ég þarf. Ég vil miklu frekar nota peningana til að ferðast og lifa bóhemlífi. Það er eftirsóknarvert, finnst mér. Ekki þurfa að vera einhvers staðar á ákveðnum tíma, heldur ráða mínum eigin tíma, sitja á kaffihúsi, skrifa greinar og spjalla við skemmtilegt fólk. Það má heldur ekki vanta, fólk sem er í sömu stöðu og ég og hefur jafn mikinn tíma og ég. Ég verð að hafa einhvern með mér, annars líður mér bara ekki vel. Þetta er semsagt draumastaða sem erfitt er að ná, en maður má nú láta sig dreyma, er það ekki?
Jæja, nú er ég farin að bulla. Þessi pæling hljómaði betur í höfðinu á mér :)
skrifað af Runa Vala
kl: 18:25
|
|
|
